Willie hanggang Biyernes na lang sa GMA — Nagdurugo ang puso ko

I-FLEX
ni Jun Nardo

PASUNDOT-SUNDOT lang si Willie Revilllame sa lumabas na balitang hanggang February 11, Friday, ang Tutok To Win niya sa GMA.

Live ang show ni Willie noong  Lunes at sa GMA studio ang venue nila.

Normal lang si Willie sa takbo ng show. Eh nang pumasok sa isipan niyang hanggang February na lang ang kontrata niya sa Kapuso Network, “Valentine’s day na. Nagdurugo ang puso ko!”

Nang basahin naman niya ang ilang text, nagsabi siya ng, “Nag-iiyakan ang mga nagti-text sa akin!”

Basta ang pangako ni Willie, patuloy siyang mamimigay ng tulong sa napiling caller. Basta nagsabi siyang kailangan nila ng dancers sa show.

Walang opisyal na pahayag si Willie sa GMA at sa broadcasting network ni Senator Manny Villar. Knowing him, malamang na sa huling araw ng telecast ng show niya ang malaki niyang pasabog, huh!