Phoebe Walker ayaw munang magmahal

MATABIL
ni John Fontanilla

NO time for love ang motto ngayon ng maganda at seksing Viva actress na si Phoebe Walker pagkatapos nilang maghiwalay ng landas ng kanyang long time non-showbiz boyfriend.

At kahit nga hindi ito masuwerte sa pag ibig, naging masuwerte naman ito sa kanyang showbiz career dahil sunod-sunod ang pinagbidahan nitong pelikula ngayong taon kahit may pandemya.

Hindi rin naapektuhan ang trabaho ni Phoebe, bagkus ay buong husay niyang nagagampanan ang mga role na ibinibigay kahit may pinagdaraanan.

Sa ngayon, unti-unti ng nakaka-move on ang aktres at nag-e-entertain na rin ng manliligaw at lumalabas paminsan-minsan.

Pero pag-amin nito, hindi pa siya ready na umibig muli at gusto muna niyang ipahinga ang nasugatang puso. Alam naman nito na darating ang oras na matatagpuan niya ang kanyang Prince Charming na makakasama  habambuhay.

Ngayong 2022 magpo-focus muna siya sa trabaho lalo na’t  maraming alok sa kanyang trabaho kasama na ang international film.