HATAW! D'yaryo ng Bayan hatawtabloid.com
I-FLEX
ni Jun Nardo
HINDI napiga ng entertainment press si Winwyn Marquez para malaman kung sino ang ama ng batang ipinagbubuntis niya.
“He’s a private person!” maiksing saad ni Wyn sa ama ng bata. Puzzled ang press kung sino ‘yung guy, huh!
Kinompirma ni Wyn ang tsismis na buntis siya ngayon.
Sa pahayag niya sa presscon ng festival movie niyang Nelia, ”Yes, I am expecting (a baby). I am preggy,” deklara ng aktres.
Sabi pa niya, nasa last trimester na ang kanyang pagbubuntis. Pero tutulong pa rin siya sa promotions ng movie na produced nina Atty. Aldwin Alegre at Atty. Honey Quinio na idinirehe ni Lester Dimaranan.
Ngayon lang bibida si Wyn sa Nelia na pawang kontrabida roles ng ginagampanan sa TV.
Kasama niya sa movie sina Raymond Bagatsing, Ali Forbes, Mon Confiado, Shido Roxas, Juan Carlos Galano at iba pa.
