Marianne Bermundo itinanghal na Little Miss Universe 2021

MATABIL
ni John Fontanilla

HINDI man naiuwi ng ating pambato na si Beatrice Luigi Gomez ang korona sa katatapos na Miss Universe 2021, wagi naman ang pambato ng Pilipinas sa Little Miss Universe 2021. Naiuwi ni Marianne Bermundo ang korona at titulo sa katatapos beauty pageant na ginanap sa Georgia, Europe.

Kuwento ni Marianne sa selebrasyon ng kanyang pagkapanalo na ginanap sa Sangkalan  Restaurant, Visayas Avenue, Quezon City last Dec. 12, matindi ang ginawa niyang paghahanda  para maiuwi ang kauna-unahang Little Miss Universe crown para sa Pilipinas.

Si Miss Universe 2018 Catriona Gray ang idol ni Marianne at naging inspirasyon nang lumaban sa Little Miss Universe 2021.

Bukod sa pagwawagi ng cash prize, korona, at sash, at special awards (Best in National Costume & Best In Fashion Show), wagi rin ito sa mga bagong mga kaibigan mula sa iba’t ibang bansa na nakatunggali sa Little Miss Universe 2021.

Nagpapasalamat si Marianne sa kanyang very supportive parents na sina Mr. Mark Donald and Mrs Virginia Bermundo, Allen Castillo (trainor), at sa National Director ng Little Miss Universe Philippines na si Adrian Stephen Cabuhat sa paggabay at pagsasanay sa kanya.