Aktor suma-sideline pa rin kahit may gay benefactor na

HATAWAN
ni Ed de Leon

“DOON na yata nakatira sa provincial house ng male star ang isa niyang gay benefactor. Makikita mo naman sa IG ng gay na ang dami nilang pictures na lagi silang magkasama. Pero palagay ko, hindi naibibigay lahat ng gay ang luho ng male star. Wala kasing dudang ‘nagsa-sideline’ pa rin ang male star sa iba. Mga two weeks ago nakita si male star na may kasamang ibang gay,” sabi ng aming source.

Pero sinasabi mang nagsa-sideline pa rin ang male star, na ikinasasama siyempre ng loob ng gay benefactor, hindi rin naman makaangal iyon, dahil alam naman niya hindi na siya madatung ngayon kagaya noong araw na nakakapag-demand siya ng loyalty ng boylet.

Isa pa, sinasabi nga raw niyon na, ”iyang mga lalaki, ibigay mo man lahat ng gusto nila, at gusto ng kanilang pamilya, makasusundo mo lang sila. Pero basta nakakita iyan ng babaeng gusto nila, o mga baklang magbibigay ng higit sa kanila, sasama pa rin iyan,” sabi raw ng gay benefactor.