UPGRADE 3rd place at TNT Pop Choice Award sa PoPinoy

MATABIL
ni John Fontanilla

ITINANGHAL na 3rd placer sa ginanap na grand finals ng PoPinoy ng TV5 ang grupong UPGRADE na kinabibilangan nina Ivan Lat, Armond Bernas, Rhem Enjavi, Mark Baracael, at Casey Martinez.

Hindi man nasungkit ng UPGRADE ang grand prize at tanghaling Popinoy Next Ppop Star ay happy na sila na makaabot sa finals among hundreds of boy group na nag- audition sa Popinoy.

Babaunin ng UPGRADE ang kanilang experience, natutunan at advices mula sa kanilang mga Headhunter na sina Mitoy Yunting, DJ Loonyo, Kayla Rivera at sa kanilang mga mentor.

Bukod sa pagiging third placer, nakuha rin ng UPGRADE ang TNT Pop Choice Award na libo-libong boto ang nakuha nila mula sa mga netizen lalong-lalo na ang kanilang mga supporter, ang LV8, Solid Upgraders, Certified Upgraders atbp..

Magsisilbing inspirasyon sa grupo ang kanilang journey sa PoPinoy para mas maging solido pa ang kanilang grupo at mas paghusayan pa ang kanilang trabaho.