Kim aliw ang pag-goodbye sa faceshield

HATAWAN!
ni Ed de Leon

NATAWA kami sa farewell message ni Kim Chiu sa kanyang face shield, na sinasabi niyang nakasama niya at nakaramay sa loob ng dalawang mahabang taon. Tayo man ay ganoon din. Para tayong nakalaya sa isang uri ng paninikil nang payagan tayong alisin na ang face shield. Hindi lang istorbo eh. Kung naka-salamin ka at naglalakad , malamang madapa ka pa kung hindi ka maingat, dahil naiiba ang paningin dahil sa face shield.

Iyang face shield, hindi lang pinagsimulan ng korapsiyon dahil sa deal ng Pharmally, ngayong nag-goodbye na tayo sa face shield isang malaking problema rin ang disposal niyan dahil plastic iyan. Hindi iyan mabubulok kung 100 taon lang. Sasama iyan sa lupa, at patuloy na magiging dahilan ng pollution.

Ang natuwa lang sa face shield, iyong mga “kumita ng malaki” dahil sa face shield, at take note sa Pilipinas lang ginamit iyang face shield. Kahit na China na roon ginagawa, hindi ipinagamit  sa karamihan. Pero kailangan pa rin daw iyan kung manonood ka ng sine.