Alden at Maine malakas pa rin ang hatak sa tao

I-FLEX
ni Jun Nardo

BUHAY na buhay muli ang Al-Dub (Alden–Yaya Dub) Nation nang makita nilang magkasamang hosts ang kanilang idolo sa TV special ng shopping app.

Eh, sponsor din ng Eat Bulaga ang app kaya present sa special sina Alden Richards at Maine Mendoza. Ang ganda ni Meng sa blue gown habang guwaping na guwaping si Alden sa pink suit. Blue at pink ang signature colors ng shopping app.

Dagdag bonus ang presence sa special ni Bea Alonzo. Ang gandang tingnan nilang tatlo. Puwede magsama sa isang serye o movie, huh!

Anyway, kahit bihira nang masama sina Alden at Maine, malakas pa rin ang chemistry at hatak sa tao, huh!