Upgrade pasok sa grand finals ng Popinoy

MATABIL
ni John Fontanilla

MASAYANG-MASAYA ang UPGRADE na kinabibilangan nina Casey Martinez, Armond Bernas, Mark Baracael, Rhen Enjavi, at Ivan Lat dahil isa ang grupo nilang pasok sa nalalapit na Grand Finals ng TV 5’s Popinoy.

Sa Hip Hop Episode ng Popinoy, muling napabilib ng Upgrade ang mga Head Hunters na sina DJ Loonyo, Kayla Rivera, Mitoy Yonting, at Maja Salvador.

Komento ng mga Headhunter sa performance ng Upgrade, ”Yes sir! Nailapat n’yo lahat ng elements ng hiphop. Kitang-kita ko. Malinaw na malinaw. ‘Yung vibe n’yo damang-dama. ‘Yung DJ-ing part, alam ko ‘yan. ‘Yung streetwear look, pasok.’Yung groove and enjoyment!,” aniDJ Loonyo.

“You are ready!,” sambit naman ni Mitoy.

“Same thing with Mitoy. You are now ready. Kitang-kita ko ‘yung confidence n’yo. Read na kayo,” sabi naman ni Kayla.

“‘Yung costume, look n’yo pang-grandfinals na. Pero parang hiningal kayo sa chorus ng sabay-sabay. Parang nakampante yata kayo?” dagdag ni Maja.

At sa nalalapit na Grand Finals ng Popinoy, matinding paghahanda ang ginagawa nina Casey, Ivan, Armond, Ivan, at Mark para maging kauna-unahang grand winner ng Popinoy.

Bukod sa Upgrade, ang ibang mga grupong pasok sa Grand Finals ng Popinoy ay ang Versus at Fullout (Male Group) at A4OU, Yara, at Neu Climax (Female Group).