Male Starlet matiyagang makipag-friend para maka-utang

NAPAKA-GENTLEMAN  ni Male Starlet. Kahit na sino ang mag-friend request sa kanya, tinatanggap niya. Matiyaga rin siya kung makipag-chat.

Pero kung inaakala niyang palagay na ang loob sa kanya, ”hihingi na siya ng favor.” Mangungutang na siya ng P3,500 sa simula, na sasabihin niyang babayaran niya after a week. Sasabihin niyang ipadadala na lang sa GCash ng pinsan niya.

Kung hindi mo siya sisingilin, susubukan niyang umutang na muli nang mas malaki. At malakas ang loob niyang makipag-video call para patunayang siya nga iyon. Basta nakahalata ka sa modus niya o kaya ay naningil ka na, iba-block ka na niya.

Talaga nga sigurong mahirap ang buhay sa ngayon, at wala nga halos raket lalo na kung mga starlet lamang. Hindi gaya noong araw na kung P2K-P3K lamang ay madali nilang kitain sa mga mall show o sa mga show sa probinsiya. Eh ngayon pandemic, wala lahat iyan.

Pero hindi excuse iyong wala kang raket para manloko ka ng kapwa mo. 

(Ed de Leon)