HATAW! D'yaryo ng Bayan hatawtabloid.com
DIRETSAHANG ikinuwento sa amin ng isang male star na sinabi sa kanya ng isang director na, ”ikaw naman ang susunod na magpapakita ng private part sa aking pelikula.” Pero mukhang ok naman sa male star na nagsabing, ”ang daming hindi marunong umarte, hindi rin naman mukhang artista, napansin dahil naglabas na sila ng bird. Bakit hindi ko gagawin iyon kung ok naman ang script.”
Mukhang lumalabas na iyon na nga yata ang “ticket to fame” ng mga artistang lalaki ngayon. Kailangan nilang maging handa sa pagbibilad ng kanilang private parts basta inutusan sila ng kanilang director. Sinasamantala naman kasi iyan ng mga bold directors habang sa internet pa lang inilalabas ang mga pelikula at hindi pa sila saklaw ng MTRCB.
Ilan pa kaya ang magbibilad ng bird bago matapos iyan?
(Ed de Leon)
