Dora pinasok na ang BL series

MATABIL
ni John Fontanilla

MULA sa pagiging host sa online at segment host sa I Juander, pinasok na rin ni Mar Soriano o mas kilala bilang Dora ang pag-arte via BL series, ang Love Is ng Bright A3 Entertainment Production.

Gagampanan nito ang role ni Manang Dora, ang maingay pero mabait at very supportive na auntie ni Axl Romeo, owner ng karenderya at landlord ni Grey Ramos.

Ang Love Is ay istorya ng anim na lalaki na sina Lemuel, Omeng, Vladimir, Epoy, Inton, at Shakespeare na may kanya-kanyang masalimuot na kuwento ng buhay.

Bukod kina Axl at Grey, kasama rin dito sina Kaleb Ong, David Revilla, Benjo Montizo, at RR Roque with Joel Guevara, Rachel Ann Clemente, at  Arn Palencia.

Mapapanood ang Love Is sa Aug. 21, 8:00 p.m. sa www.youtube.com/c/BrightA3Entertainment.  Idinirehe ito ni Ambo Jacinto.