Ima sasabak sa musical play ni Doc Willie Ong  

MATABIL
ni John Fontanilla

MAKAKASAMA sa isang malaking musical play na I, Will: The Doc Willie Ong Story si Ima Castro na gaganap bilang ina ni Doc Willie.

Ang  musical play ay tungkol sa buhay ng doctor at pilantropo na si Willie Ong.

Mapapanood ang pre-recorded ng I Will: The Musical na kinunan sa Music Museum, ng walang bayad sa mga social media platform ni Dr. Ong, sa kanyang YouTube na may 5.63M subscribers at sa Facebook na may 15M followers.

Makakasama rito ni Ima na sina Gerald Santos na gaganap bilang Dr. Willie Ong, Paulina Yeung bilang si Dr. Anna Liza Ong, Bo Cerrudo, at Robert Sena. 

Ang I Will: The Doc Willie Ong  Story ay idinirehe ni Rommel Ramilo.