HATAW! D'yaryo ng Bayan hatawtabloid.com
MATABIL
ni John Fontanilla
MASAYA si Kim Rodriguez na makatrabaho muli si Jak Roberto sa Never Say Goodbye.
Kuwento ni Kim, ”Si Jak nakatrabaho ko na siya sa ‘Hanggang Makita Kang Muli,’ happy ako naka-work ko siya ulit.
“Bale this time naman nakababatang kapatid niya ang role ko.
“Happy din ako na nakatrabaho si Lauren Young, gusto ko siya ka-eksena kasi bukod sa magaling siya may maihuhugot ka talaga sa kanya.”
Ito ang kauna-unahang pagkakataon na sumabak sa lock-in taping si Kim kaya naman sobrang nanibago siya.
“Sobrang nakakapanibago talaga, pero mas okay na rin para sa safety na rin sa aming lahat lalo na’t mayroon pa ring pandemya,” ani Kim.
Dagdag pa ng seksing aktres, ”Ang maganda naman sa lock-in taping bukod sa safety ng lahat, mas lalo namin nakikilala ang isa’t isa lalo na si Klea (Pineda), room mate ko.
“Para kaming may dalang bahay sa set hahaha, may rice cooker, air fryer, washing machine, at pagkain.
“Although masaya na mahirap mag-lock-in kasi malayo sa pamilya mo, masaya kasi nga may bagong pamilya ka.
“Lagi kami naglulutu-lutuan sa set kasama si Hipon Girl at Tita Mosang. Pagdating naman sa eksena mas okay ang lock-in kasi mas mapi-feel mo ‘yung character, ‘yung continuity ng emotion mo.
“Tapos magaan lang sa taping, pero need bilisan kasi may sinusunod kami na oras, 16 hrs of work lang dapat. Kaya pagdating sa set in character na at alam na lines.
“Si Direk Paul Sta Ana naman nakatrabaho ko na s’ya before. Kinuha n’ya ako for ‘Oros’ film with Kristoffer King,” mahabang tsika ni Kim.
Ito ang pagbabalik serye ni Kim after mabakante ng ilang buwan dahil na rin sa pandemya.
