HATAW! D'yaryo ng Bayan hatawtabloid.com
MA at PA
ni Rommel Placente
“MAY nagbabalik sa kanyang orihinal na tahanan. Soon to be a Kapuso.” Ito ang caption ng GMA 7 sa kanilang social media account, na ang picture na makikita roon ay kalahati lang ng mukha ng isang lalaki. Pero halatang-halata naman na mukha ‘yun ni Jericho Rosales, noh!
Hindi na ako nagulat sa announcement na ito ng Kapuso Network. Noon ko pa kasi naririnig na after Bea Alonzo ay susunod nang lilipat sa kanila si Jericho. At kaya ganoon ang caption nila sa mukha nito ay dahil sa GMA 7 naman talaga nagsimula si Jericho. Siya ang kauna-unahang Itinanghal na Mr. Pogi noong 1996. Ito ang dating segment ng longest-running show sa telebisyon na Eat Bulaga.
