Mr. M consultant sa GMAAC

HATAWAN
ni Ed de Leon

HUHULAAN pa ba ninyo kung sino iyong “M” at”M” na lilipat sa GMA7 eh noon pa naman nababalita iyan at kinompirma na nga ni Korina Sanchez sa isa niyang Instagram post na sinabi niyang si Mr. M (Johnny Manahan) at si Mariole Alberto ay ”formerly of ABS-CBN and now with GMA.”

Magiging consultant daw sila sa artists center ng GMA 7, pero mukha ngang ”they will call the shots,” nang sabihin na mas magiging priority nila ang homegrown talents ng GMA kaysa mga nagtalunang artists ng ABS-CBN. Pero huwag ninyong sabihin na hindi nila bibigyan ng priority si John Lloyd Cruz halimbawa, o si Bea Alonzo sa ibang GMA artists lalo na kung ang pag-uusapan ay bankability?

Hintayin na lang natin kung ano mangyayari.