Pamilya ni Arjo tanggap at mahal si Maine

MATABIL
ni John Fontanilla

TANGGAP na tanggap ng pamilya Atayde si Maine Mendoza bilang girlfriend ni Arjo Atayde lalo na si Sylvia Sanchez na botong-boto sa dalaga para sa kanyang anak.

Ayon kay Sylvia, ”Kamahal-mahal si Maine, mahiyain at mabait siyang bata.

Kuwento ni Sylvia, talagang likas kay Maine ang pagiging mahiyain.

May insidente pa ngang halos hindi makapasok sa tahanan nina Arjo si Maine nang dalhin niya ito roon para ipakilala.

Umabot nga ng 25 minutes bago pumasok si Maine dahil nahihiya ito at nanginginig.

“At sa bahay noong pinasok siya ni Arjo para i-introduce sa amin, bago makapasok sa bahay nanginginig, to think na sikat siya, Maine Mendoza siya puwede siyang pumasok ‘yung yabang na hello, Maine Mendoza ako.

“Pero 25 minutes bago makapasok dahil nahihiya, mahiyain talaga siya, pero napakabait na bata, kaya naman lagi kong sinasabi na hindi siya mahirap mahalin.”

Suportado ng buong pamilya Atayde ang relasyon nina Arjo at Maine dahil nakikita nila ang sobra-sobrang pagmamahal ng dalaga kay Arjo at alam ni Sylvia kung gaano rin ito kamahal ng kanyang anak.