Alfred time-out muna sa politika

I-FLEX
ni Jun Nardo

KUMAWALA muna sa mundo ng politika si Congressman Alfred Vargas. Tinaggap niya ang special guesting sa coming Kapuso series na Legal Wives.

Gaganap si Alfred bilang si Naseer na kapatid ng bidang lalaki na si Dennis Trillo. Asawa si Alfred ni Alice Dixson na mapapangasawa rin ni Dennis.

Sa litratong ipinost ng actor-politician sa Instagram ng kanilang lock-in taping, kapansin-pansin ang magandang bonding ng cast na kasama niya gaya nina Al Tantay, Bernard Palanca pati ang baguhang si Shayne Sava.

Of course, love talaga ni Cong. Alfred ang movies na tinatanawan niya ng utang na loob kaya naging politiko siya.