Aktor nagoyo sa paggawa ng gay movie

NAKAKAAWA naman ang isang male star na nabolang gumawa ng isang gay movie. Noong ipalabas iyon ay talagang pinag-usapan siya dahil kakaiba nga ang kahalayang napanood sa kanyang pelikula.  Akala nga siguro niya tuloy-tuloy na ang kanyang pagiging big star, pero hindi naman kumita ang ginawa niyang indie dahil inilabas nga sa internet at napirata lang.

Tapos marami na ring ibang male stars na gumawa ng mga gay movies, at mukhang natabunan naman siya ng mga iyon. Malungkot nga raw ang male star lalo na noong mag-birthday siya na wala man lang nakaalala sa kanya, at mukhang wala na ring kapupuntahan ang kanyang career.

Iyan ang problema talaga. Hindi madaling maging star. (Ed de Leon)