HATAW! D'yaryo ng Bayan hatawtabloid.com
TULUYAN na nga raw magbabalik si John Lloyd Cruz sa kanyang pagiging artista. Pero kahit na may standing contract pa siya sa ABS-CBN at Star Cinema, dahil hindi tumakbo ang time clause ng kontrata noong mag-leave siya, lumipat na siya ng management at sinasabi ngang ang magiging manager niya ngayon ay si Maja Salvador. Mukhang marami ang ayaw bumalik sa Star Magic simula noong mag-retire na nang tuluyan si Johnny Manahan.
May nasisilip lang kaming kaunting problema riyan, dahil mukhang nagkaroon ng kaunting friction ang ABS-CBN at kay Maja, kaya nga kahit na natigbak na ang kanilang Sunday noontime show na ginawa sa iba, walang narinig na offer sa kanya ang dati niyang network. Hindi lang namin alam kung magkakaroon ba iyan ng epekto ngayong siya ang manager ni John Lloyd.
Isa pa, kailangan nilang mabigyan ng matinding push si John Lloyd dahil matagal nga iyong nawala at ang naging comeback movie ay isang indie, na hindi mo siyempre aasahang magiging hit tulad ng mga pelikula ni John Lloyd noong araw. Ano nga kaya ang mangyayari?
HATAWAN
ni Ed de Leon
