Pauline kinaaasaran imbes kaawaan ng netizens

SA Babawiin Ko Ang Lahat sa halip na maawa ang mga tagapanood sa feeling api-apihang si Pauline Mendoza, na inaapi nina Carmina Villaroel at Liezel Lopez, naasar pa raw ang netizens sa kanya.

OA raw kasi ang sobrang aping-arte ni Pauline gayung hindi naman ganoon kalala ang ginawang pang-aapi nina Mina at Liezel.

Mang-aagaw lang naman sa mamanahin kay John Estrada ang dalawa bakit mukhang pa-martir effect ito?

Nariyang laitin at saktan si Pauline pero imbest kaawaan, naaliw pa ang mga tagapanood dahil parang throwback daw kasi ito ng mga napapanood noon sa Sampaguita Pictures at LVN Pictures na ang tema ay inginungudngod ang fez sa putikan.

Minsan mabalasik umarte ang mga kontrabida kaya nagmumukha silang mga bading sa katapangan.

SHOWBIG
ni Vir Gonzales