Perang hiningi ni actor kay gay politician para sa community pantry ibinili ng alak at aso para katayin

IBA rin ang drama ng male sexy star. Nakipagkita siya sa isang gay politician at humingi ng pera dahil maglalagay din daw siya ng community pantry sa kanila. Nagbigay naman ng dagdag na pera ang

gay politician para nga sa pantry bukod sa ibinigay sa kanya para sa

kanilang date.

Iyon pala ibang pantry ang itatayo, bumili ng aso kinatay, bumili ng alak at nakipag-inuman, iyon pala ang pantry nila. Mga walang takot. Parang hindi nila alam na sa mga inumang ganyan maraming nahahawa sa Covid. Kung minsan iisipin mo na lang ma-Covid nga sana para madala. Hindi madadala ang mga iyan hanggang hindi tinatamaan.

Tandaan ninyo, kahit na may bakuna pa kayo, tatamaan pa rin kayo.

Hindi kayo tiyak na maililigtas ng bakuna ninyo. (Ed de Leon)