HATAW! D'yaryo ng Bayan hatawtabloid.com
LALAYAS muna si Willie Revillame sa Metro Manila bilang bago niyang tahanan at studio ng programa niyang Tutok To Win.
Sa rest house ni Willie sa Puerto Galera muna mapapanood nang live ang kanyang daily show. Ang approval na lang ng pamahalaan ng Puerto Galera at GMA Network ang hinihintay ng TV host para matupad ang kanyang hiling.
Inanunsiyo ni Wiillie last Monday sa live edition ng kanyang show ang bagong plano niya. Sa episode na ‘yon, wala na siyang dancers at iilan na lang ang staff sa lugar na ginagawa niyang studio na madalas ay sa kanyang Wil Tower.
“Hindi na po pinayagan ng kanilang mga magulan ang dancers ko. So kung matuloy kami sa Puerto Galera, isa na rin ako sa magiging staff. Magbabawas kami,” pahayag ni Willie.
Eh may mga staff din kasi si Willie na nate-test na positive sa Covid-19 kahit araw-araw na may swab test sa kanilang lahat.
Lumayo man siya sa studio o Wil Tower, patuloy pa rin siyang maghahatid ng tulong sa kababayang nangangailangan.
Bukod sa perang ipinamimigay, inaayos na lang ni Willie ang regulasyon sa pamimigay ng bigas mula sa isa niyang sponsor na nag-donate ng P3-M bilang tulong, huh!
I-FLEX
ni Jun Nardo
