Sharon kay Fanny — This is not the end (Paalam Tita Fanny fake news)

DEPRESSING  at nakaiiyak ang latest update ni Sharon Cuneta sa kaibigang si Fanny Serrano. Sa huling post ni Shawie sa Instagram account, naka-life support na si Fanny.

“HINDI KO NA KAYA. Tita Fanny is now on life support…meaning, without all the machines connected to him,” bahagi ng post ni Sharon kalakip ang litrato na inaayos ni Tita Fanny ang buhok niya.

Nakadudurog ng puso ang sumunod pang pahayag ni Sharon na nangako sa kaibigang aalagaan hanggang sa huling sandali ng buhay.

“BUT THIS IS NOT THE END I want for you…I know it is all God’s call and His decision but I wish you weren’t  in this situation,” saad pa ng megastar.

Eh sa sitwasyon ngayon ni Tita Fanny at sa kamamatay na designer friend na si Rocky Gathercole, hindi mapigilan ni Shawie na magtanong ng, ”Bakit ba ‘yung mga pinakamamahal ko o tumatak sa puso ko, kayo ang umiiwan sa akin in these past couple of years lang?

“PAGOD NA PAGOD NA AKONG NAWAWALAN NG MAHAL SA BUHAY. Huwag naman po sana, Lord,” ani Sharon.

Inaasam-asam ng megastar na hihintayin siya ng kaibigan upang mayakap at mahalikan at ipaalala kung gaano nito siya kamahal.

“Para na kitang nanay. I love you so much…” sabi pa ni Shawie.

Patuloy lang po nating ipagdasal na malampasan ni Tita Fanny ang krisis na ito sa kanyang kalusugan.

PAALAM
TITA FANNY
FAKE NEWS

“Buhay pa siya!” Ito ang tila gustong isigaw ni Sharon Cuneta sa kanyang Instagram post kahapon ng umaga laban sa fake news na lumabas na patay na si Fanny Serrano.

Isang netizen ang nagpakalat ng picture ni Fanny na may caption na ”Paalam tita Fanny. Isa sa mga taong nagturo at nakitaan tayo ng potensyal noong araw na nagsisimula pa lamang tayo. You may Rest in Peace…” ang inirepost ni Sharon para linawing hindi totoo ang balitang ito.

Giit ni Sharon, ”This is circulating now. It is fake news. May malay daw si TF today so I called him and the nice nurse put me on speaker kaya nakausap ko sya kahit di sya makasagot. Please help us spread the word that he is still with us. Buhay pa sya. And to those who have nothing better to do, this is not the time to be assholes okay? Sorry pero ang sasama nyo!

I-FLEX
ni Jun Nardo