Claudine muling binanatan si Raymart

DIRETSAHANG binanatan ni Claudine Barretto si Raymart Santiago dahil sinasabi nga niyang dalawang taon na raw iyong hindi nagpapadala ng sustento sa kanilang mga anak. Dalawang bata ang kinikilalang anak nila, ang una ay ang inampon ni Claudine na si Sabina bago pa man sila naging mag-asawa ni Raymart, at ang tunay nilang anak na si Santino.

Noong magkasundo sila matapos ang demandahang mahaba-haba rin naman, itinakda ng korte na magbibigay si Raymart ng sustentong P100k buwan-buwan para sa dalawang bata, pero ang naging basehan niyon ay ang kinikita ni Raymart noong panahong iyon.

Bumaba ang kita ni Raymart noong mawala na sa uso ang mga action picture at lalo pang walang kita noong pumasok ang pandemya, kaya hindi kami magtataka kung sabihin nga ni Raymart na hindi niya makakaya ang ganoon kalaking sustento sa ngayon.

Uminit lang naman ang ulo ni Claudine nang mabalita pang may relasyon na sina Raymart at Jodi Sta. Maria.

HATAWAN
ni Ed de Leon