Pag-display ng bahay sa socmed, nagiging mitsa ng buhay

HINDI na nakapagtataka kung bakit pinasok ang mala-palasyong bahay ni Xian Lim sa may Antipolo. Imagine halos maubos ang mga kagamitan nito sa bahay.

Well, moral lesson ito sa mga artistang mahilig mag-display ng wealth especially sa mga Youtube.

Sa panahong ito ng taghirap, talagang maglalaway ang mga masasamang tao na makakulimbat nang hindi nila pinaghirapan. Mapapansing wala na ring respeto ang mga tao kahit sa mga artistang hinahangaan.

Hindi nga muntik ma-snatch ang expensive cellphone ni Vina Morales? Hindi nila alam matapang si Vina at hindi naitakbo ang cellphone ng aktres.

Naku tigilan din ‘yang mga display ng mga mamahaling bag dahil baka maging mitsa lang ‘yan ng buhay lalo’t kung naispatan ng mga holdaper. Tandaan, maraming hirap ngayon sa buhay.

SHOWBIG
ni Vir Gonzales