Umbangerong mister, ipinakulong ni misis

KULONG ang 32-anyos mister nang ireklamo ng kanyang misis ng pambubugbog sa Malate, Maynila.

Kinilala ang suspek na si Jubel Sandana, residente sa 584 – 105 San Andres St., Malate, at ang nagreklamong misis na si Shirley, 30.

Sa ulat, naganap ang insidente 11:45 pm, sa loob ng bahay ng mag-asawa.

Ayon kay Shirley, katatapos nilang mag-inuman kasama ang kanyang asawa nang magkasagutan at hablutin ni Jubel ang kanyang buhok at sinimulang bugbugin.

Nagreklamo si Shirley, ngunit hindi umano nagkasundo ang mag-asawa kaya ini-turnover si Jubel sa MPD-PS9 at tinuluyang sampahan ng kasong paglabag sa R.A. 9262 o violence against women and their children at physical injury.