Tatay ni James, ka-date ni Nadine noong Valentine’s Day

BUSY kasi si James Reid doon sa pagsasanay sa pag-arte at pagsasalita ng Tagalog, dahil sa gagawin nilang project niyong si Nancy McDonie ng Momoland. Kaya naman siguro ang nakitang ka-date ni Nadine Lustre noong Valentine’s day ay ang tatay ni James na si Malcolm Reid. Magkasama sila sa isang restaurant sa Rockwell, Makati. Pero hindi naman silang dalawa lang. Kasama nila ang kinilalang si “Ate Marie” na supporter ng JaDine, at isang babaeng ang pangalan ay Belinda na umano ay “girlfriend ng tatay ni James.”

Talagang loyal si Nadine. Dahil wala si James kahit na ang tatay ang kasama niya ok lang, kaysa nga naman sa wala siyang ka-date o makipag-date pa sa iba at i-bash siya ng sarili nilang fans.

HATAWAN
ni Ed de Leon