New Regal baby na si Sarah Edwards, type si Alden

ANG Asia’s Multi Media Star ang gustong makatrabaho among male celebrity sa bansa ng newest Regal Baby na si  Sarah Edwards, isa sa bida ng Us Again na pinagbibidahan nina Jane Oineza at RK Bagatsing.

Kuwento ni Sarah, nagkasama sila ni Alden sa isang event at nang makita niya ang aktor ay na-starstruck siya sa kaguwapuhan at kabaitan nito.

Kahit nga sobrang sikat ng Kapuso star ay napaka-humble at gentleman  nito, kaya naman ang tulad ni Alden ang masarap na katrabaho.

Nagpapasalamat si Sarah kay Mother Lily at Roselle Monteverde dahil kinuha siya para maging Regal Baby at isinama pa sa pelikulang Us Again na maganda ang role na ginagampanan niya bilang girlfriend ni RK.

Ito nga ang kauna-unahang pelikulang ginawa ni Sarah, dahil puro hosting lang noon ang ginagawa niya bago pinasok ang pag-arte.

Bukod kina Jane, Sarah, at RK, kasama rin sina Bida­man Jin Macapagal at Bidaman Mico Gallardo, mula sa direksiyon ni Joy A. Aquino at mapapanood sa mga sinehan nationwide sa  February 26.

MATABIL
ni John Fontanilla