Darren, ilalapit ang Beautederm sa Gen. Z!

DAGDAG sa lumalaking pamilya ng Beautederm si Darren Espanto na ikinatuwa ng mga loyal supporter ng magaling na singer nang mag-post sa kanyang Facebook ang CEO/President nitong si  Rei Anicoche Tan ng “D total Performer Darren Espanto joins our Beautéderm Fam.

“Nadagdagan mga anak ko. Welcome nak! Darren Espanto #BeautédermAmbassador.”

Dalawang taon ang pinirmahang kontrata ni Darren sa Beautederm kaya naman sa mga susunod na event nito’y makakasama na siya.

Si Darren nga ang youngest ambassador ng Beautederm ayon kay Ms Rei, na hanga sa husay ni Darren kumanta at sumayaw na puwedeng sumunod sa yapak ng Total Performer na si Gary Valenciano.

Malaki ang paniniwala ni Ms Rei na malaki ang naitutulong ni Darren na makilala ng mga kabataan ng makabagong panahon o Gen. Z na katulad nito ang Beautederm.

Lalo na’t malaki ang fan base ni Darren  ‘di lang sa bansa kung hindi maging sa ibang bansa na talaga namang sumusugod sa mga event na may performance si Darren at bumibili ng kanyang mga ineendosong produkto.

MATABIL
ni John Fontanilla