Mikael iginiit, ‘di sikreto ang pagpapakasal nila ni Megan

PINAGKAGULUHAN ng mga press people ang bida ng pinakabagong teleserye ng Kapuso Network, ang Love of my Life, na si Mikael Daez. Lahat ay excited na matanong ang actor tungkol sa kasal nila ni Ms World 2013 Megan Young.

Mariin ngang itinanggi ni Mikael na itinago nila ni Megan ang kanilang pagpapakasal, nagkataon lang na limitado lang ang inimbitahan nila, yung pamilya at malalapit lang nilang kaibigan.

At sa kanilang pagpapakasal ni Megan ay walang nabago sa kanilang relasyon, “I think the way I love her now doesn’t change just because we got married.

“Hindi naman puwedeng kapag nagpakasal tayo, super changed na ‘yung lambing ko sa ‘yo. Bakit doon lang? Bakit hindi ngayon? ‘Di ba? All-in na agad and that’s how we’ve been naman.

“That’s why I say there’s no change. It’s literally a label.”

Sobrang happy si Mikael sa pagpasok sa buhay may asawa at mas inspired itong magtrabaho para na rin sa future ng kanyang pamilya.

Kabituin ni Mikael sa Love of My Life sina Rhian Ramos, Tom Rodriguez, Carla Abellana, Vaness Del Moral, Maey Bautista, Samantha Lopez, Geleen Eugenio, Anna Marin, Carl Guevarra, Dino Pastrano, Levi Ignacio, Raphael Landicho, Ethan Hariot and Ms Coney Reyes, directed by Don Michael Perez at napapanood na kapalit ng One Of The Baes ni Rita Daniela and Ken Chan.

MATABIL
ni John Fontanilla