HATAW! D'yaryo ng Bayan hatawtabloid.com
HINDI na nga maikakaila ang “cold treatment” ng mag-inang Sharon Cuneta at KC Concepcion, na nagsimula nang hindi sumipot ang anak ng megastar sa isang birthday tribute na ginawa para sa kanya. Hindi lamang siya naglabas ng sama ng loob, noong isang araw pinaka-puri-puri ni Sharon ang dalawang anak niyang babae sa kanyang asawang si Kiko Pangilinan, at sinabing ang dalawang anak niya ay mahal na mahal niya dahil marunong silang magpahalaga sa kanilang mga magulang.
Hindi binanggit ni Sharon si KC, na nauna riyan sinabi niyang humiwalay na nga ng tirahan sa kanila, at ni hindi rin sumipot sa ilang gatherings ng kanilang pamilya.
Sa kabilang banda naman, sinabi ni Gabby Concepcion na mahal na mahal niya ang kanyang anak na si KC at sinabihan pa niya iyong “lagi lang akong nasa likod mo.”
Pareho pa sila ni KC na nag-post ng pictures sa kanilang social media accounts ng isang private dinner na masayang-masaya silang dalawa.
Pero ang tanong nga namin, eh ano ba ang issue kung sabihin man ni Sharon na mas mahal niya ang kanyang mga anak kay Kiko Pangilinan kaysa kay KC?
Ano rin naman ang issue kung nakikipag-bonding man at mukhang mas gustong mapalapit ngayon ni KC sa tatay niyang si Gabby? Baka naman may gusto lang siyang mabago dahil sa buong panahon ng kanyang kabataan, hindi niya nakasama ang tatay niya. Mukhang ang dalawa ay “making up for lost time” eh ano naman ang masama kung nagkakasundo ang mag-tatay?
Natural lang sa isang pamilya iyong nagkakasamaan ng loob. Natural din naman na may mga mas nagiging close naman. Eh ano ang issue roon?
HATAWAN
ni Ed de Leon
