Discoveries sa isang noontime show, may madidilim na nakaraan

HINDI nga ba iyong mga “bagong discoveries” nila sa isang noontime show, ano ang usapan? Hindi ba mga lalaking may madidilim na nakaraan. Hindi lang usapan, naglalabasan ang mga sex video na ginawa noong araw pa. Bakit gumagawa sila ng ganoong sex videos? Hindi ba “under the table business iyan”? Pero tingnan ninyo, tinitilian pa rin.

Huwag na iyong mga nasa audience, kasi iyang mga iyan naman may nagbibigay ng direksiyon kung kailan sila sisigaw at papalakpak, dahil kung hindi, hindi na sila papapasukin ulit sa studio. Iyong iba nga sa audience may bayad pa eh.

Pero iyang mga iyan, dalhin mo sa malls, lalo na sa probinsiya, pinagkakaguluhan pa rin kasi napapanood sila sa TV. At kung sabihin nga ng mga bading ”tumataas ang presyo basta lumabas na sa tv.”

Kaya sa lalaki walang kaso eh, ano man ang gawin mong tsismis.

HATAWAN
ni Ed de Leon