HATAW! D'yaryo ng Bayan hatawtabloid.com
NAKUNAN ng picture si Angel Locsin na nagbibigay ng biscuit sa isang street boy na namamalimos. Bata pa talaga iyon. Siguro naawa naman si Angel, at saka alam naman natin na basta sa charity okey iyan. Pero parang mali rin ang ginawa ni Angel. Sa pagbibigay niya sa batang pulubing iyon, lalo lang iyong masasanay na manghingi sa kalsada. Hindi sila aalis dahil may nagbibigay kahit na iyon ay delikado para sa kanila. Paano kung maaksidente sila sa kanilang pamamalimos?
Kaya nga may batas na bawal ang pamamalimos ng mga bata, at kung mahuhuli, hindi ang mga nagpapalimos ang mananagot kundi ang mga magulang dahil sa pagpapabaya, at maging ang mga naglilimos dahil kinukunsinti nila ang mendicancy. Baka hindi alam ni Angel iyon. Baka mahuli pa siya.
Samahan n’yo pa rin kami
LASTLY, gusto namin kayong batiin ng isang napakaligayang Pasko at napaka-masaganang Bagong Taon. Kami po rito sa Hataw, ganyan ang feeling pagkatapos ng aming Christmas party. Salamat kay Boss Jerry Yap, isang publisher na hindi balasubas kagaya ng iba riyan.
Sa lahat din ng aming mga mambabasa, na sa buong isang taon ay nakasama namin, nawa’y makasama namin kayo araw-araw sa papasok na bagong taon.
Magbabalik po kami sa January. Hintayin po ninyo ulit ang tsismis namin.
Muli, Merry Christmas and a Happy New Year!
HATAWAN!
ni Ed de Leon
