HATAW! D'yaryo ng Bayan hatawtabloid.com
FEELING ni Vice Ganda, may keps siya during the presscon ng kanyang latest movie niyang The Mall The Merrier, official entry ng Star Cinema para sa Metro Manila Film Festival.
Pa-girl kasi ang mga tanong ng press ukol sa kanilang dalawa ni Ion Perez. Kahit kami ay pa-girl din ang naibatong tanong na ikinatuwa naman ni Ganda.
Well, hindi naman maipagkakaila na kung followers lang ang pag-uusapan about Vice, sigurado naman tayong lahat na umaariba naman talaga si Ganda every MMFF.
Sa aming pakikipagtsikahan, sinabi ni Vice na ibang-iba itong handog niyang katatawanang pelikula with Anne Curtis. Bagong-bago ito sa panlasa nating manonood at hindi pa natin ito narinig o napanood sa kanya sa araw-araw niyang pagho-host sa It’s Showtime. Masaya ang pelikula ayon kay Vice.
Pero ang mas masaya ay itong Paskong ito dahil may kasama na rin siyang gugunita. Ito ay si Ion Perez na hindi niya sukat akalaing magiging bukambibig ng madlang pipol at ng buong mundo na ipinagsisigawang mahal siya.
Deserve naman ni Ganda ang magkaroon ng lovelife at naniniwala siyang may true love pa rin!
Kung may mensahe siya ngayong Pasko sa mga sumusuporta sa kanya ito ay ang panoorin nila ang kanyang latest movie at patuloy pa rin siyang magpapatawa araw-araw sa It’s Showtime at maging happy lang sa buhay.
REALITY BITES!
ni Dominic Rea
