Coco, ayaw gumawa ng basurang pelikula

HINDI pina-prioritize ng mabait at very generous Kapamilya actor at lead actor/scriptwriter/director, at producer ng 3Pol Trobol Huli Ka Balbon! ng CCM Film Productions at mapapanood sa December 25 na mag-number one sa takilya.

Kuwento nga ni Coco sa grand presscon ng 3Pol Trobol Huli Ka Balbon, na ang mahalaga sa kanya ay maganda ang pagkagawa ng kanilang pelikula at magugustuhan ng mga manonood.

Ayaw nitong mapintasan ang kanyang movie kaya tiniyak niyang maganda ang pagkakagawa. Nakahihiya naman kasi sa mga kinuha niyang artista baka sa susunod ay hindi na pumayag umarte sa kanyang pelikula.

Kung sabagay sa trailer pa lang, kitang-kita na ang kalidad ng pagkakagawa, maganda at kompletos rekados dahil may aksiyon, drama, romance, at comedy. Kaya naman isa ito sa mga pelikula sa 2019 MMFF na dapat panoorin.

Kahituin ni Coco sa 3Pol Trobol Huli Ka Balbon! ang Comedy Queen na si Ai Ai Delas Alas, Multi-Media Star Jennylyn Mercado, award winning actors Edu Manzano at Tirso Cruz III, Sam Milby, Joey Marquez, Carmi Martin, Mitch Valdes, John Prats, Mark Lapid, Bianca Manalo, PJ Edrinal, Super Tekla, Boobsie Wonderland, Marc Solis, Lester Llansang, John Medina, Donna Cariaga, Sancho Delas Alas, Bassilyo,  Smugglaz, Happy, Soliman Cruz, Jhong Hilario, Ping Medina, Kim Molina, Pepe Herrera, Long Mejia, Lou Veloso, Marissa Delgado, Whitney Tyson, Bernard Palanca, Ali Khatibi, Paolo Paraiso, Ivana Alawi, at may espesyal na partisipasyon si Yorme Isko Moreno.

MATABIL
ni John Fontanilla