Gretchen, dumating sa unang gabi ng lamay ng ama

SA unang gabi ng lamay sa kanyang ama, dumating naman si Gretchen Barretto.

Hindi naman maaaring hindi dumating doon si Gretchen. Kahit na sabihing may alitan din ang mga miyembro ng pamilya, malapit si Gretchen sa kanyang ama. Wala iyong sinabing anumang laban sa kanya, si Gretchen din naman, walang nasabing masama minsan man laban sa kanyang ama.

Kasundo na rin naman ni Gretchen ang lahat ng kanyang mga kapatid, pati na nga si Claudine na mabilis pang nag-post sa social media ng, “I love you very much” nang dumating si Gretchen. Ang kaalitan lang naman niyang matindi ay ang kapatid na si Marjorie, na inaasahan din namang makasusundo niya later on kundi man ngayon. Dumating din sa burol ng tatay nila si Presidente Digong.

HATAWAN
ni Ed de Leon