SMAC TV productions, may 5 nominasyon sa 2019 Star Awards

MASAYA at nagpapasalamat ang pamunuan ng SMAC TV Productions sa Philippine Movie Press Club (PMPC) sa limang nominasyong nakuha nila sa PMPC Star Awards For Television 2019.

Nominado ang SMAC Pinoy Ito! sa IBC 13 for Best Musical Variety Show at Bee Happy Go Lucky sa Net 25 for Best Variety Show.

Nominado rin ang ilan sa SMAC Talents na sina Klinton Start (Bee Happy Go Lucky) bilang Best New Male TV Personality , Rayantha Leigh (Bee Happy Go Lucky) for Best New Female TV Personality, at JB Paguio (Bukas May Kahapon) for Best New Male TV Personality.

Samantala, sa pagpasok ng Season 3 ng SMAC Pinoy Ito! may mga bagong host at naglalakihang performers ang makakasama nina Justine Lee, Mateo San Juan, Isiah Tiglao, at Rish Ramos na dapat abangan.

Habang mas pinaganda at mas masayang Bee Happy Go Lucky ang mapapanood kasama ang mga bagets na sina Klinton, Kikay and Mikay, JB, Rayantha atbp..

Habang painit ng painit naman ang labanan ng 13 finalists ng Artista Teen Quest na naging matagumpay ang kanilang kauna-unahang konsiyerto sa SM North Edsa Skydome kamakailan.

MATABIL
ni John Fontanilla