HATAW! D'yaryo ng Bayan hatawtabloid.com
PANGARAP ng Starstruck Season 7 Ultimate Male Survivor, Kim de Leon ng Balayan, Batangas na makagawa ng pelikula ukol sa superhero na tulad ng Spiderman o Captain Barbel.
Ani Kim, “Noong bata pa ako, ang pinaka-pinanonood ko ‘yung ‘Captain Barbel’ (pinagbidahan ni Richard Gutierrez), sobrang naaliw ako roon.
“Pero ang pinakagusto ko talaga ‘yung ‘Spiderman,’ simula pa kasi noong napanood ko ‘yung pelikulang ‘yan, ‘yung trilogy, naging fan na ako talaga.
“At ‘yung character niya as Spiderman and Peter Parker makikita mo ‘yung difference, ‘yung strugle niya as Peter at damay doon ‘yung pagiging spidey niya.
“Parang ‘pag nag-artista ka, marami ang nakakikilala, pero sa bahay naman as Kim De Leon na normal lang talaga, kaya parang nakikita ko siya sa sarili ko.
“Pero ‘pag Pinoy Super Hero naman na ako ang magki-create para sa akin, ang gusto ko simple lang ‘yung powers, ‘yung super hero na nakatutulong sa pamilya at mga taong nangangailangan ng tulong.”
Bukod sa pagiging super hero, gusto rin ni Kim na mabigyan siya ng iba’t bang proyekto katulad ng drama, romcom, at comedy.
MATABIL
ni John Fontanilla
