Myrtle, minsan nang nabaliw sa pag-ibig

INAMIN ng isa sa lead actress ng pelikulang Ang Henerasyong Sumuko sa Love ng Regal Films ang craziest thing na ginawa niya para sa love.

Ani Myrtle Sarrosa, “The craziest thing I’ve done for love, ano kasi ako eh, ‘pag alam ko na may kailangan ‘yung tao gumagastos talaga ako para sa kanya.

“So, ‘yung craziest thing na nagawa ko was lahat ng gamit sa mobile game, lahat binili ko para sa kanya sa isang mobile game. Sobrang mahal niyon.

“Ngayon pinagsisisihan ko kasi dapat pala sa character ko na lang ginastos ‘yun kung alam ko lang na hindi naman pala kami magka­katuluyan, sayang ‘yung items.

“ Dapat  akin na lang pala ‘yung gadgets na ‘yun. ‘Yun lang ang pinagsisisihan ko.”

May times pa nga na sumuko na ito sa pagmamahal at mas gusto na lang mag-focus sa kanyang career.

“May times na sumuko na ako kasi ‘pag in a relationship ka there are times na both sides are not happy or hindi na kayo makatutulong sa isa’t isa in the future, sometimes you have to give up.”

Showing na sa October 2 Ang Henerasyong Sumuko sa Love na makakasama ni Myrtle sina Tony Labrusca, Albie Casiño, Jane Oineza, at Jerome Ponce, hatid ng Regal Films.

(JOHN FONTANILLA)