Pinaka-kawawang tao sa mundo ang mga bakla — Mother Ricky

 “WALANG pinaka-kawawang tao sa mundo kundi iyong matandang baklang walang pera,” sabi ni Ricky Reyes. Iyon ang dahilan kung bakit niya hinihimok ang mga bakla at tinuruan niya na matutong magpaganda para kumita sila ng pera. Sinabi niya, nagmumukhang kawawa iyong mga baklang matatanda na, bakla pa rin at halos namamalimos sa mga tao.

“Kaya sinasabi ko, kaysa ipilit nila ang paglalandi at pagdadamit sa kalye, hindi tuloy sila inirerespeto. Maghanap buhay sila para may pera sila, hindi sila magmumukhang kawawa pagdating ng panahon na matatanda na sila,” sabi pa ng beauty guru.

“Ang daming problema ng mga filipino. Ang daming nagugutom. Ewan kung bakit sinasayang ang oras ng mga senador kung saan iihi ang mga bakla,” ang natatawa pa niyang sabi.

HATAWAN
ni Ed de Leon