HATAW! D'yaryo ng Bayan hatawtabloid.com
MARAMI ang nanghihi-nayang dahil matapos ang isang taon, matatapos na pala ang serye na nagtala ng pinakamataas na ratings sa afternoon slot, iyong Los Bastardos. Noong nagsimula iyang seryeng iyan, talagang mapapansin mo na ang gusto nilang mangyari ay ma-build up ang kanilang mga male talent na halos lahat ay baguhan pa noon.
Nangyari naman iyon. Lahat sila ay napansin at nito ngang bandang huli nabigyan pa ng pagkakataong maging bida si Marco Gumabao. Kung hindi rin naman siguro sa magandang exposure na nakuha niya sa Los Bastardos, hindi siya magkakaroon ng ganoong following, at hindi siya mabibigyan ng ganoong break kung sakali.
Wala pa silang sinasabi kung ano ang makakapalit niyang Los Bastardos sa pagtatapos ng serye, pero ano man ang ipalit nila riyan, matinding hamon ang haharapin. Kaya ba nilang pantayan ang following ng serye na kanilang papalitan?
May mga nagsasabi nga, ang dapat sanang naisipan nila nang matapos na ang kuwento, ay gumawa sila ulit ng serye na mapagsasama pa rin ang dating cast. Siguro maiiba nga lang ng kaunti ang treatment dahil may mga naging star naman, mayroon namang hindi rin gumalaw ang career. Pero kung iisipin mo, sure ball nga naman iyon. Pero ewan, baka naman may ibang idea si direk Ruel Bayani na ipapalit niya. Baka naman may mas exciting pa. Baka mas malaki pa ang casting.
Sa ngayon, puro hula lamang kung ano ang ipapalit sa serye. Mahirap palitan ang ganyang serye eh, kasi naging paborito ng masa, at laging magiging problema ng kasunod na mapantayan kahit na paano ang mataas na ratings na inabot nila.
HATAWAN
ni Ed de Leon
