Kim, kabado sa unang pagbibida

HINDI inakala nI Kim Molina na darating siya sa puntong mabibigyan ng pagkakataon na magbida sa pelikula. Kaya sobra-sobra ang pasasalamat niya sa kanyang home studio, ang Viva Films sa pagkakataong pagbidahan ang Jowable na unang sumikat at nag-viral sa Facebook.

Kuwento ni Kim sa mediacon ng Jowable, gusto lang niya ang kumanta hangang sa napasama sa Rak Of Aegis at dito na nga na-discover ang husay niya rin sa pag-arte na nagbukas sa mas maraming opportunities sa showbiz.

Dagdag pa ng aktres, na kung kinabahan siya sa Camp Sawi na kasama ang apat na hottest female celebrities, mas doble kaba ang nararamdaman niya dahil nag-iisa siyang bida rito sa Jowable.

Pero kung pagbabasehan namin ang napanood na trailer ng pelikula, marami nagkagusto nito sa social media kaya tiyak na maghi-hit ito katulad ng Camp Sawi.

Kabituin ni Kim sa Jowable sina  Chad Kinis, Kakai Bautista, Cai Cortez, Candy Pangilinan, at ang kanyang boyfriend na si Gerald Napoles, mula sa mahusay na panulat at direksiyon  ni Darryl Yap, hatid ng Viva Films at mapapanood na sa mga sinehan nationwide sa September 25.

MATABIL
ni John Fontanilla