Pambato ng ‘Pinas sa Miss Philippines International Global 2019, itinanghal na 2nd runner-up

John Fontanilla September 5, 2019 Showbiz

WAGI ang kinatawan ng Pilipinas sa Miss International Global 2019 na ginanap sa Kuala Lumpur, Malaysia. Itinanghal ni Miss International Global Philippines 2019 Shayne Maxilom bilang 2nd runner-up gayundin ang Best In Catwalk, at Best In National Costume.

First runner-up naman si Miss International Global South Africa (Genive Trimble) na nakuha rin ang special awards na Miss Body Beautiful, Best Fashion Sense; samantalang itinanghal namang Miss International Global 2019 si My Huyen Nguyen (Miss International Global Vitenamn 2019) gayundin ang special award na Best In Evening Wear.

Si Shayne, 21, ay pProdukto ng De La Salle University, Dasmarinas at San Sebastian College–Recoletos De Cavite at kapatid ng modelong si Van Maxilom.

Hindi na baguhan sa beauty contest si Shayne dahil marami-sami na rin ang kanyang nasalihan. Ilan dito ang Miss Summer League 2013, Miss Tuburan Cebu 2015, Miss Tanza 2017 (runner up), Binibining Tanza 2018 (runner up), at Miss Investment House Association of the Philippines 2018.

MATABIL
ni John Fontanilla