HATAW! D'yaryo ng Bayan hatawtabloid.com
MALUNGKOT na balita iyong namatay na pala dahil sa cancer ang social media endorser at model na si Robin Kelly Ocampo. Nakilala namin siya noong nasa ABS-CBN pa siya, at nanalo rin siya noon sa pa-contest ng Hataw. Talagang nilabanan ni Robin ang cancer. Lahat naman ginawa niya. Sinubukan niya pati herbal therapy. Pero iyan yatang cancer, basta tumama matindi na talaga.
Nagkaroon siya ng ibang complications, nanghina ang kanyang katawan dahil na rin siguro sa rami ng gamot na isinasaksak sa kanya. Kailangan siyang mai-confine sa ICU, tapos namatay din.
Ipanalangin na lamang natin na sana ay matagpuan niya ang kapayapaang walang hanggan, na wala na rin siyang madaramang sakit.
Sabi nga nila, iyong mababait na tao talagang mabilis na kinukuha.
HATAWAN
ni Ed de Leon
