Julia, sinentensiyahan na agad ng publiko

NATAWA kami roon sa isang netizen na nagtatanong, bakit daw noong araw na iniwan din ni Gerald Anderson si Kim Chiu at sumama kay Bea Alonzo, hindi naman ganyan ang reaksiyon ng mga tao. Bakit daw ngayon parang sinentensiyahan na agad si Julia Barretto.

Gusto ninyo ng totoong sagot diyan? Noon kasing nangyari iyon, aminin natin mas sikat na si Bea kaysa kay Kim, kaya mas marami na siyang kakampi. Ngayon hindi ganoon, mas sikat si Bea kaysa kay Julia. Noon kasi si Kim lang ang lumabas na biktima ni Gerald. Ngayon sinasabi nga nila na naging biktima rin si Joshua Garcia, na nakakuha rin ng simpatiya ng mas maraming fans.

Wala tayong magagawa eh. Talagang ganyan ang buhay. Kung sino ang mas may katuwiran, at kung sino ang mas sikat, sila talaga ang makakukuha ng suporta ng tao.

HATAWAN
ni Ed de Leon