Ate Vi, enjoy na enjoy sa pamamasyal sa South Korea

ALIW na aliw si Ate Vi (Vilma Santos) sa kanyang pamamasyal sa South Korea. Namamasyal sila sa isang mall sa Seoul doon sa karamihan ng mga picture. Kasama niya si Senator Ralph Recto, at ang buong pamilya, na sinasabi nga ni Ate Vi na, ”sa Pilipinas, kahit na sa Batangas, hindi ko magagawa ang ganito.”

Hindi talaga puwede. Subukan niyang pumasok sa kahit na saang mall dito kung hindi siya pagkaguluhan ng mga tao. Natatandaan nga namin noong araw, sinubukan niyang pumasok sa isang mall na ang paniwala niya ay up scale naman at siguro hindi siya papansinin ng mga tao. Aba eh sandali lang ang dami nang sumusunod sa kanya. Tapos may naghihiyawan na. Nakiusap sa kanya iyong security ng mall na kung ano ang gusto niyang bilhin sila na lang ang kukuha, dahil natatakot silang mabasag ang mga salamin sa mall. Umuwi na lang si Ate Vi.

Kaya enjoy siya talaga basta nasa abroad eh.

HATAWAN
ni Ed de Leon