Pagbagsak ng career ni Sharon, isinisi kay Kiko

GANYAN din naman ang sinasabi nila laban kay Sharon Cuneta. Kaya raw bumabagsak na si Sharon ay dahil din sa kanyang political leanings. Eh may magagawa ba kayo, asawa niya iyon. Mali naman sigurong idamay ninyo si Sharon kung ayaw man ninyo sa asawa niya.

Sinasabi nila, iyon ang dahilan kung bakit bumagsak ang career ni Sharon. Lahat daw ng comeback movies ni Sharon, at ikaapat na nga iyang huli, flop. Pero hindi ba maaaring ang project mismo ang masasabi mong may depekto, o kaya ay mali ang timing?

Bakit si Sharon ang agad na sisisihin?

ni ED DE LEON