HATAW! D'yaryo ng Bayan hatawtabloid.com
HINDI na talaga papipigil si Joshua Garcia. In-all-fairness ay nasubaybayan namin kung paano nag-umpisa si Joshua sa kanyang karera. Noon pa lang ay sinabihan na namin itong aariba rin sa tamang panahon dahil sa totoo lang, napakabait niyang tao.
Mararamdaman mo sa kanya ang sincerity dahil kahit saan mo makita ang binata ay siya pa mismo ang lalapit sa iyo para batiin ka at wala siyang pretensiyon at inhibisyon sa buhay.
Kamakailan ay nagbigay naman siya ng kakaibang atake sa kanyang role sa panghapong seryeng The Greatest Love na hindi naman siya nagpakabog sa kanyang mga kasabayang sina Dimples Romana, Aaron Villaflor, Matt Evans, Andi Eigenman, at Sylvia Sanchez.
Joshua gave his best shot sa eksena nilang dalawa ni Sylvia na nagpaiyak sa marami.
“Mahal na mahal ko po ang trabaho ko. Gusto ko po talaga eh. Kaya po ginagalingan ko kasi nakahihiya naman po sa mga katrabaho mo kung hindi mo rin ipakita o ibigay ang galing mo.
“Si Mama La (Sylvia Sanchez ) siya ‘yung sobrang nagiging inspirasyon ko ngayon. Napakarami niyang payo sa akin, marami akong natutuhan sa kanya and thankful ako na sinabi niyang part na rin ako ng family nila.
“Sobrang nakatutuwa dahil kahit baguhan lang ako, naglalakihang artista na rin ang nakakatrabaho ko. Thankful lang ako talaga,” tugon pa ni Joshua sa isang interview sa kanya.
Making waves na nga ang binata kaya naman kami mismo ay pinayuhan itong huwag patitinag sa kinang ng showbiz at mahalin ang mga taong nagbigay ng oportunidad sa kanya at respeto sa kapwa.
REALITY BITES – Dominic Rea
