Vin at Sophie, hahatulan sa Moonlight Over Baler

MABUTI na lang at kay Direk Gil Fortes natupad ang pangarap nina Sophie Albert at Vin Abrenica na makaganap bilang lead role sa pelikulang Moonlight Over Baler.

Matagal na naman kasi ang ipinaghintay ng dalawa simula noong manalo sa Artista Academy ng TV5. Sa dami ng mga ipinakilalang promising stars sa network unti-unti rin silang nawawala. Ang ilan sa kanila ay nabigyan ng break sa ibang estasyon, ang ibaý tuluyan nang nawala.

Sa Moonlight Over Baler ginagampanan niya ang papel ni Elizabeth Oropesa. Isang maestro sa Pagbilao, Quezon. Isang sundalong USAFFE naman si Vin na hindi akalaing matapos hindi magkita ng matagal na panahon ay muling nagkita.

Isang magandang pelikula ito na bagay na bagay kay Beth. Nabigyan niya kasi ng buhay ang papel na  hinahanap ni direk Gil. Ito ay mula sa script ni Eric Ramos at ipalalabas na sa February 8.

Kasama rin sa pelikula sina Daria Ramirez at Ellen Adarna.

Sa Moonlight Over Baler hahatulan ang acting nina Sophie at Vin at kung makapapasa na ba ang acting nila sa masa.

SHOWBIG – Vir Gonzales